انسي الارقام!

يوم سعيد للجميع، وين ما كنتوا.

اليوم حبيت اشارككم قصتي مع وزني. الوزن هو المشكله الصعبه اللي تواجه جميع البنات و دايما تسبب لنا كئابه لما نحاول ونحاول ولا ينزل و لا يتغير. انا كنت دايما افكر بكذا، احاول كل جهدي اني اوصل لوزن معين و كل همي اني ابغى اقرا الرقم اصغر وكل ما ركزت تفكيري على الموضوع كل ما ساء عندي الوضع تضايقت وووقف كل شغلي و لا تغيد شي فـ بحث عن الموضوع اكثر في الانترنت واستوعبت الموضوع وفهمته من زاويه ثانيه. لقيت كثير من الناس يتبعون طريقه مره حلوه في حياتهم الصحيه، يشتغلون على نفسهم وجسهم بدون ما يهتمون الرقم كم صار او كم وصل. صحيح لازم ننزل عشان يكون جسمنا مرتب ورشيق لكن مو ها اساس حياتهم الصحيه، الاساس كان شكل الجسم والشغل على العضلات اللي حابين ينحفونها بالرياضه والاكل الصحي و النوم الصحي!

فعلاً كلامهم وطريقتهم كانت صحيحه. احنا عشان نوصل للي نبغاه لازم نتبع الطديقة الصحيحه و الصحيه للجسم المثالي فـ جلست يوم مع نفسي و حطيت لي نظام غذائي صحي يناسبني و دورت على تمارين رياضيه تخص اجزاء الجسم اللي حابه اشتغل عليها والاهم نمت ساعات كفايه اكثر من قبل.

من وقت ما قررت انسى ميزاني ولا اشتري له بتري جديد و اتبع الطريقه هذي النتائج كانت مذهله!

ثقتي بنفسي زادت لاني عارفه اني اسوي الشي الصحيح

حسيت بالجمال والصحه اكثر من اي وقت قبل والاهم جسمي تحسن كثير!

كنت راضيه جدا بالنتائج :)

ومن 11 شهر انا و الميزان مش اصحاب والحمدلله.

اوكي نجي للخطوات اللي لازم نتبعها كلنا عشان نوصل للي نبغاه اسرع وبنفسيه اروق ونتائج ان شاءالله مرضيه

اول شي، خبي ميزانك!

شيليه من غرفتك او حمامك -تكرمون- وحطيه في مكان صعب توصلينه او بعيد عن النظر

ثانياً، اختاري لك صباح رايق او مع وقت كوبك من الشاي واجلسي مع ورقه وقلم وحطي لك خطه تناسبك من نظام غذائي الى تمارين رياضيه تناسبك.

تاكدي نظامك الغذائي يشمل الكثير من الخضار والفواكهه واشربي كثييييير مويا!

ثالثاً، اتحركوا!

اختاروا تمارين رياضيه تناسبكم وتناسبك العضلات اللي بتشتغلون عليها. في حسابات كثير في يوتيوب تقدم تناريم رياضيه رائعه راح اذكرهم بتدوينه في المستقبل ان شاءالله.

،اخيراً، نامو كويس :)

السهر حلو اكيد لكن نحتاج النوم الصحي عشان يكمل حياتنا الصحيه وهو فعلا يأثر على النتائج كثير.

اتبعوا هذي الخطه وخلو تركيزكم دايما على الالتزام والشغل على نفسكم وانسو الرقم كم صار وان شاءالله بوقت قصير راح تلاحظون النتائج وبتوصلون للوزن اللي يرضيكم بدون ما تحسون بالتعب والضغط النفسي اللي كنتوا تمرون فيه.

اساس الموضوع والحلقة اللي تربط كل هذي الاشياء ببعض هو التزامنا بالخطه!

ثقوا في نفسكم وفي قدراتكم للوصول لاي هدف تحطون وان شاءالله تكونون قطعتوا نص الطريق للنهايه.

وتذكروا دايما..

"Champions are made not born" ;)

xo, Nada.