مرحبا جميعاً
واحد من الذ المشروبات اللي استمتع وانا اشربها بعد الرياضه هو حليب الشوكولاته، والالذ اذا كان شغل بيت
ليش احبه و ايش فايدته بعد الرياضه؟
احبه عشانه مره لذيذ ،مين مايحبه اصلا؟ :)
والفائده من شربه بعد الرياضه في دراسات اجريت في السنوات الماضيه ان حليب الشوكولاته يساعد في تسريع عملية تغير عضلات الجسم بعد الرياضه افضل من الماء و مشروبات الرياضه لانه يحتوي على كمية اكبر من الكربوهيدرات والبروتين المفيده للجسم والي تساعد عضلات الجسم التعبانه من الرياضه بالاضافه انه يحتوي على كالسيوم،مغنيسيوم وسكر قليل.
طريقة تحضيره بالبيت
قيسو كمية الحليب على حسب الكوب اللي حابين تشربون فيه (حليب قليل الدسم) صبوه في الخلاطه
ملعقة بودرة كاكاو هيرشي او اي نوع ثاني تفضلونه شرط مايكون محلى
ظرف واحد محلي ستيفيانا
اخلطوهم مع بعض، حطوه في الكوب و بالعافيه
ملاحظه سريعه:
هذا النوع من المشروبات ينفع الناس اللي تمارس رياضات شاقه كالسباحه او الجري لانه يحتوي كمية كربوهيدرات يمكن ما تحتاجونها في نظامكم الغذائي اليومي
انا احب اشربه كتغير بين فتره وفتره :)
xo, Nada :)
0 comments
Post a Comment