Nada's place: يوم الراحه

صباح الخير!

اتمنى الجميع بصحة ممتازه!

😍اليوم هو يوم راحتنا

كملنا اسبوع من جدول تمارينا الرمضانيه والحمدلله..كنت اتمنى اعرف كم بنت مشتركه معانا ياليت اللي تتمرن معانا تسوي لي تاق على بوستاتها احب اعرف كيف مسوين

انا حابه اتكلم معاكم شوي عن يوم الراحه..ايش هو وليش مهم ناخذ يوم بريك في تماريننا

ايام الراحه مهمه جداً للجسم عشان ترتاح العضلات وتستوعب التغيير الجديد اللي صاير في الجسم. وعشان لا نتمرن بزياده لدرجة نسبب لنفسنا اصابات او تمزقات عضليه لا سمح الله من كثر الضغط على العضله.

بالنسبه لي عادة لما اسوي رياضه يوم الراحه عندي هو يوم "للراحه" اقرأ فيه اكثر من اي يوم عادي مع كوب من الشاي او  القهوه. بس لما فكرت بالموضوع حبيت اعرف عنه اكثر ف بحث وقريت في الانترنت

في وحده من المقالات ما اتذكر بالضبط المصدر قالو ان الافضل في يوم الراحه نسوي نشاطات خفيفه ما يعرق فيها الجسم ولا نبذل جهد واحنا نسويها مثل المشي الخفيف نص ساعه او اللعب بالسيكل او مثلا احنا البنات انا اقترح نروح
للسوق..مشي على كيفك
😜

فكرة ثانيه اقترحوها حبيتها جداً هي الاسترخاء
روقو..سوو تمارين بسيطه ستريتشينق او جلسة يوغا للاسترخاء ما تزيد عن ٢٠ دقيقه

وتكلمو بعد عن التعويض بالاكل. طول الاسبوع واحنا مشغولين بحياتنا والتزامنا بتماريننا احياناً ننسى ننوع في الاكل الصحي اللي نحتاجه..تقريبا ناكل نفس الاصناف كل يوم. فكره حلوه اننا ناخذ يوم الراحه بالتعويض عن الاكل الصحي
اللي ناقصنا ونحتاجه.

💤واحلى شي ذكروه مره حبيته..النوم

تاكدوا ان جسمكم يرتاح وياخذ ساعات نوم كافيه مابين ٧-٩ ساعات يومياً
في حال ماكنتو تنامون زين الاسبوع اللي فات يوم الراحه يوم مناسب انكم تعوضون..نامو بدري عن كل يوم وريحو جسمكم واحلام سعيده

شخصياً،

اتوقع راح اجلس على نفس خطتي..اقرا اكثر وارتاح واشرب قهوه او شاي. اذا كنتو مثلي فخورين في نفسكم وفي انجازاتكم خلال الاسبوع الماضي انا اقول بفخر انكم تستاهلون تتبطحون في كل مكان في البيت

Go be a proud couch potato!

🙏او سوو يوغا خفيفه 

ارسلو لي افكاركم وايش تحبون تسوون او ايش سويتو في يوم راحتكم..او سوو لي تاق في شبكات التواصل الاجتماعيه

My twitter: @TwentyfourNada

Instagram: @nadae24

❤️ احب اشارككم انجازاتكم ولو كانت بسيطه

يوم راحه سعيد جميعاً

xo, Nada 💕