ما اقدر..تعبانه!

ما اقدر..

تعبانه!

صباح الخير

عمركم وقفتو او كنسلتو تمرين عشان تحسون نفسكم مريضين او تعبانين شويا؟

احد جرب مره يبحث في الانترنت اذا صحي له يكمل تمرين وهو مريض او يوقف؟

انا بكون صريحه معاكم..انا سويتها و كم مره بعد

واحس اني كنت ادور عذر عشان انكسل تمرين اليوم لاني .ما احس اني ابغى اسويه

الموضوع نفسه، مو قاعده اسوي دكتوره عليكم ولا شي بس اشارككم افكاري، هل اقدر اتمرن والا لا و انا تعبان هو بالحقيقه راجع لك انت..نفسك

كيف حاسين اجسامكم..قد ايش انتو تعبانين؟ من جد تحتاج بريك والا هذا عذر لانك مالك خلق تتحرك

لازم نتعلم نسمع لاجسامنا. نفهم ايش تحتاج مننا..متى جسمي يحتاج راحه ومتى يحتاج دفعه للامام اكمل في طريقي الصحيح باذن الله

قبل كم يوم، ومنها جاتني فكره البوست وقلت لازم اتكلم معاكم بالموضوع، كنت حاسه بحراره خفيفه يمكن حتى مو حراره بس خمول بالجسم وكـ العاده على طول على الجهاز "اقدر اتمرن وانا مريضه؟" كتبت في قوقل
حبيت اطمن نفسي
لكن كل الكلام اللي قريته من اكثر من موقع صحي كلهم كانو ينهون مقالهم بتقريبا نفس الجمله لحدٍ ما
"الرياضه تنشط الجسم ومفيده لصحتك"
وهو صحيح

بنتخيل مع بعض موقفين..الاول لو كنتو تعانون لا سمح الله من حراره مرتفعه والم بالجسم..ونقول انكم قدرتوا تتحركون من السرير و قررتو تسوون تمرين اليوم..هذا التصرف بيكون خطأ لصحتكم وبيتعبكم اكثر ويطول مدة شفائكم لانكم وانتوا تتمرنون..ترتفع حرارة الجسم مع ارتفاع دقات القلب وهذا شي انتوا قاعدين تحاولون تعالجونه وهو حرارتكم
في هذي الحاله الافضل لكم تاخذون اليوم راحه..تهتمون بنفسكم تتعالجون وتاكلون كويس ومن بكرى لو حاسين نفسكم احسن سوو تمرين بسيط الى ما ترجع لكم صحتكم باذن الله وترجعون لروتين تمارينكم

الحاله الثانيه لو انكم بادين تزكمون..اعراض مرضك من الحلق الى فوق..التمرين بيكون مفيد لك ولا مانع من انك تكمل تمارينك اللي متعود عليها
لو حاسين بخمول وبداية حراره قريت انه ينصح بالقيام بتمارين خفيفه بدون جهد كبير عشان ما نرهق اجسامنا..مثل المشي او اليوقا

اهتموا وانتبهو لاجسامكم وصحتكم. تعلموا واسمعوا لجسمكم كويس ايش يطلب منكم. لا تخلون اعذار "حاسه اني تعبانه" عذر انكم تكنسلون تمارينكم بس بنفس الوقت انتبهو لا ترهقون اجسامكم كثير بالتمرين لما تكون محتاجه للراحه

Stay healthy and be happy.💪❤️

احب اسمع رائيكم بالموضوع

ارسلو لي هنا او في تويتر او انستقرام

Twitter: @TwentyfourNada

Tumblr: Twentyfour-fit

Instagram: Nadae24

❤️محتاجه دعمكم اللي حب الموضوع ويشوف غيره ممكن يستفيد منه شاركوهم فيدوهم وفيدوني

Love, Nada.